Një qenush mashkull, 3 vjeç, u sinjalizua si i braktisur gjatë muajit Gusht në superstradën Tiranë- Durrës. Qenushi dukshëm me pronar, endej në rrugë teksa rrezikonte te aksidentohej. Stafi i Strehëzës Veterinare pasi mori njoftimin, arriti të evidentojë dhe të sjellë pranë strehëzës katërputroshin e braktisur. Për fat, vetëm pak ditë më pas, Oriana Kamberi, e cila vizitoi ambientet e Strehëzës me qëllim adoptimin e një qenushi, vendosi të marrë në shtëpi “topin e bardhë”. E falenderojmë Orianën që i riktheu qenushit besimin dhe dashurinë e munguar.