Me bashkëpunimin e vijueshëm të komunitetit të kafshëdashësve, por me qëllimin kryesor sigurimin e shëndetit publik në lagjet e qytetit, mjekët e Qendrës Veterinare vijojnë me dhënien e shërbimit bazik, ndaj qenushëve endacakë direkt në komunitetin ku ata jetojnë. Këtë herë mbi 10 katërputroshë, për të cilët kujdesen vullnetarë nga zona e rrugës “ Bardhyl” si dhe në zonën e Freskut, iu nënshtruan vaksinimit dhe kontrollit të mjekut veterinar të Bashkisë. Mjafton një kërkesë e thjeshtë përmes faqes tonë zyrtare, për të marrë këtë shërbim dhe “veterineri lëvizës” do të jetë menjëherë pjesë e komunitetit ku banoni.